Joh 6:51 Ek is die lewende brood wat uit die hemel gekom het. As iemand van hierdie brood eet, sal hy ewig lewe. En die brood wat Ek sal gee, is my liggaam. Ek gee dit sodat die wêreld kan lewe.”

 

Ons het hierdie tiptol tydens ons afgelope vakansie in die Drakensberge dopgehou:

Daar was vir hom ‘n oorvloed van bessies om te eet, hy kon net aansit vir ‘n feesmaal. . . Reg hier voor ons oë kon ons beleef hoe die Here vir sy voëls sorg.



En ons mensekinders? U sorg elke dag vir ons vir ons daaglikse brood, maar meer as dit is Uself die volmaakte brood wat ons in elke oomblik wil voed. Gee asseblief aan ons ‘n ewigdurende honger na U, want dis U alleen wat ons vol, heel en gesond kan maak.

U volhoudende sorg laat al U kinders heelhartig en volmondig saamstem dat U alleen die ware, lewende brood is en dat U Uself vir ons gee en ons die lewe in oorvloed kan geniet tot in alle ewigheid saam met U!

U gee hierdie lewensbrood aan ons in oorvloed en totaal onverdiend. . Onbeskryflike genade! Ons reaksie daarop is om U daarvoor te dank en te bly dank met ons lewens in ‘n loflied en gebed tot U eer, want ons is gevul met ons Heer. . .

Galasiërs 2:20 en nou is dit nie meer ek wat lewe nie, maar Christus wat in my lewe. Die lewe wat ek nou nog hier lewe, leef ek in die geloof in die Seun van God wat sy liefde vir my bewys het deur sy lewe vir my af te lê.

Joy is the serious business of heaven.  C. S. Lewis

Bekyk ‘n bietjie hierdie foto van naderby:

 

 

 



Dis asof hierdie by vol blydskap, gefokus en met lewenskrag haar dagtaak verrig. Ek glo dat hierdie by U vereer deur haar by-werk te doen, dít waarvoor U haar geskape het.

Here, help ons asseblief, om dít op aarde te doen waarvoor U elkeen van ons geskape het, sodat ook ons U daardeur sal verheerlik. Ek glo dat ‘n mens sy grootste blydskap só vind.

Dankie dat ons weet dat U ons gewillig en bekwaam maak om U wil uit te voer, en ook vir ons die geesdrif en ywer daarvoor gee.

Dankie vir hierdie wonderlike woorde in Psalm 16:11 U sal my leer om reg te lewe. Daar is niks wat iemand groter blydskap kan gee as om saam met U te wees nie. U gee altyd vir u kinders die heel beste. Hulle kry die heel mooiste wat die lewe aanbied by U.

Dis hierdie blydskap wat ons krag is en wat niemand van ons kan wegneem nie. Dis egte, ware blydskap.

Mag ons blydskap in ons daaglikse leef en werk aansteeklik wees, sodat ‘n stukkie hemel alreeds hier op aarde beleef kan word!

Op die oomblik verhelder die aalwyne ons andersins vaal winter so skouspelagtig met hul vurige kleure!



Wanneer mens lank genoeg naby hulle gaan stilstaan, sien mens die beweging raak: die bye. . .

Met oop oë, hart en ore het ek gewonder wat hierdie by my kan leer?

Die volgende gebed het gevorm:

Here, ek wil ook soos hierdie by wees: om nektar selfs in die koue, vaal en harde wintertye te bly soek en dit wat ek vind, in te drink en ook diep binne my te bêre om dit later gewilliglik saam te gaan poel, alles ter wille van ‘n groter doel. So mag elkeen van ons ons klein deeltjie bydra om in ‘n bitter wêreld soetigheid te help bring; want wie van ons smag tog nie diep binne ons na ‘n land van melk en heuning nie?

Die laaste herfsblare van die boom buite my studeerkamervenster is stadigaan besig om hul greep op die boom te verloor. . .

Dis ‘n seisoen van verlies, een van laat gaan. . .

Maar die lig wat daarop val, getuig van ons Here se teenwoordigheid ook hier. . .

Here, in die lig van u teenwoordigheid is ons áltyd stewig in u ewige greep, maak nie saak waar en waarin ons onsself bevind nie.

Johannes 10:28 Ek gee hulle die ewige lewe, en hulle sal in alle ewigheid nooit verlore gaan nie. Niemand sal hulle uit my hand ruk nie.

Met gister se Hemelvaartsdag en met Pinkster net om die draai, deel ek graag hierdie liglied met julle.

O Light of Life!

O Light of life, O pure Light divine
Thou art in us; our ember is thine
Kindle our faith, give hope when we fear
Deepen our love, Thy fire appear.
Light of our souls, thou spark at our birth
Grow bright in us, shine in all the earth.

O Light of life, O true Light of peace
Storms will arise, let Thy light increase
Pierce through dark clouds, give pause to the proud
Let Thy shafts fall, lift humble heads bowed.
Answer our pleas, melt hearts in Thy flame
Make us as one, as one in Thy name.

O Light of life, O sweet Light of grace
Thou bids us come, we follow apace
See the bright tree, behold the white fruit
Feasting we weep, we witness the root.

O Light of life, O dear Light of love
Come wash us clean, send forth Thy white dove

Fill us with fire, enlighten our eyes
Help us to love, ’tis price of the prize
Then let us come, enrobe us in white
Clinging to Thee, light unto Thy light.

Light unto light

O Light of love

Amen

Johannes 8:12 Op ‘n ander keer het Jesus vir die mense gesê: “Ek is die lig vir die wêreld. Wie My volg, sal nooit in die duisternis lewe nie, maar sal die lig hê wat lewe gee.”

Ons was vir ‘n ruk in die Drakensberge gewees en toe ons aan die einde van ons vakansie in die motor wag dat die veiligheidshek van die oord agter ons toegaan, begroet hierdie toneel ons aan die oorkant van die pad:

Help ons, Here, dat wanneer daar soms deure of hekke agter ons toegaan, ons nie onsself blind daarteen sal staar nie, maar sal bly voortreis om u alomteenwoordige lig op nuwe en verrassende maniere te beleef. . . Maak asseblief ons oë wawyd daarvoor oop.

U kleed wat met lig omhul is, wag ons om elke hoek en draai in en rus sag op ons. . . So maak U ons lewensreis een wat lig en vol lig is.

1 Petrus 2:9 Julle, daarenteen, is ‘n uitverkore volk, ‘n koninklike priesterdom, ‘n nasie wat vir God afgesonder is, die eiendomsvolk van God, die volk wat die verlossingsdade moet verkondig van Hom wat julle uit die duisternis geroep het na sy wonderbare lig.

Tussen al die woelinge en onstuimige gebeure, met die algemene verkiesing net om die draai, is die kruis van Jesus altyd rigtingwysend daar en wil ons uitnooi om aan te hou trek op hierdie pad.

Hieronder is ‘n pragtige gebed wat ons hiermee kan help:

GEBED OM KALMTE:

Here, skenk ons die kalmte
om die dinge te aanvaar wat
ons nie kan verander nie,
die moed om die dinge te verander wat ons kan,
en die wysheid om te weet wat die verskil is.
Om een dag op ‘n slag te leef,
een oomblik op ‘n slag te geniet,
swaarkry te aanvaar as die weg na vrede,
die sondige wêreld, soos U gedoen het, te vat soos wat dit is
en nie soos ons dit sou wou hê nie,
in die vertroue dat U alles ten goede sal laat meewerk
as ons in oorgawe aan u wil leef –
sodat ons redelik gelukkig sal wees in hierdie lewe
en vir ewig die hoogste geluk by U sal ervaar.

(Effens aangepas uit Trevor Hudson se boek ‘Gebed om kalmte’)

Jesus se woorde bring vir ons bevestiging van sy liefde en troue sorg op die pad:

Joh 14:27 “Julle hoef nie bekommerd te wees nie. Ek los ook vir julle ’n geskenk wanneer Ek weggaan: vrede! Moet dit egter nie verwar met die oppervlakkige vrede van hierdie wêreld nie. Dit is vrede wat iemand net by My kan kry. Daarom hoef julle nie gespanne of selfs bang te voel oor die toekoms nie.

Mag ons in hierdie tyd fyn ingestem bly op u stem sodat ons elke oomblik in u vrede kan leef en so u wonderbare lig aarde toe bring.

Handelinge 17:27 “God se doel met die nasies was om Hom te soek…

Die afgelope ruk verfraai die swaeltjies ons lugruim.

‘n Groot avontuur lê voor. . .

Hulle is op soek, op reis, na meer van die son, om soveel moontlik lig te vind, en is wonderbaarlik geskape daarvoor!

Hoe kan hulle, sonder enige kompas of kaart, hul weg vind na die plek waar daar oorvloed lig is, terwyl óns so dikwels die pad byster raak en koers verloor?

Matt 6:22 NLV “Jou oog is ’n lamp vir jou liggaam. ’n Suiwer oog laat die lig instroom sodat jou binneste geheel en al lig word…

Sê nou maar net dis die eerste keer wat jy hierdie lewende wese sien;

Hoe sou jy dit aan iemand beskryf?





Nadat ek hierdie oefening gedoen het, het ‘n duif, ‘n alledaagse duif in ons tuin, vir my ‘n skoonheid, ‘n perfeksie gekry wat ek vantevore totaal misgekyk het.

Here, help ons om stil, nuut en vars, soos met kinderoë, te kyk na iets “oorbekends”, so asof ons dit vir die eerste keer sien. Dalk kan jy die oefening doen op iemand na aan jou, ‘n dier, plant of ‘n boom of wat ook al. Miskien word mens onverwags verras. . .

The real voyage of discovery consists not in seeking new landscapes, but in having new eyes. Marcel Proust

Die klein prinsie het die geheim geken:

“And now here is my secret, a very simple secret: It is only with the heart that one can see rightly…” Antoine de Saint-Exupéry, The Little Prince

Here, U wat alles nuut maak, suiwer ons harte en oë sodat U lig ons binnestroom en ons werklik kan sien soos U wil hê ons moet sien! Ons weet dit gebeur wanneer ons al meer en meer in verwondering leef.

Ons ry onlangs laeveld toe en op pad sien ons dié pienk en wit weelde, soos altyd hierdie tyd van die jaar. Hul skoonheid is onweerstaanbaar. Ons moes net stop en nader gaan:

Met my nuuskierigheid opnuut geprikkel, lees ek die volgende raak op die internet:

There is a legend that the Cosmos flower got its name by a Spanish priest who developed these flowers in mission gardens of a monastery. The priest noticed how symmetrical and aligned petals of the Cosmos flowers were so that he decided to name them by Greek name for the ordered universe – cosmos.

En verder:

The typical meaning of this flower is ‘love flower’. This flower is often used to illustrate one’s deepest feelings of love.

Joh 3:16 “God het die mensdom só liefgehad dat Hy sy enigste Seun gegee het sodat elkeen wat in Hom glo, nie verlore gaan nie, maar die ewige lewe sal hê.

Skielik sien ek hierdie nederige veldblomme in ‘n totaal nuwe lig. . .

Here, mag elke kosmosblom hierdie Lydingstyd ons herinner aan U liefde van kosmiese proporsies vir elkeen van ons!

Mag die diep ervaring hiervan oprys in ‘n lied van eindelose dankbaarheid en liefde teenoor U, Koning van die kosmos, Koning van my hart!