Handelinge  2:1-4  Toe die dag van die pinksterfees aanbreek, was hulle almal op een plek bymekaar. Skielik was daar ‘n geluid uit die hemel soos van ‘n geweldige stormwind, en dit het die hele vertrek gevul waar hulle gesit het. Hulle het iets soos vuur gesien wat in tonge verdeel en op elkeen van hulle gekom het. Almal is met die Heilige Gees vervul en hulle het in ander tale begin praat soos die Heilige Gees dit aan hulle gegee het om onder sy leiding te doen.

Toe ek onlangs hierdie gedeelte lees, plaas ek myself tussen die dissipels en in my verbeelding ervaar ek die gebeure saam met hulle. Saam beleef ek eers die wind en toe die vuur. . . God is onkeerbaar in sy vurige, verterende liefde en verlange!

Toe ek ‘n rukkie later buite loop,  sien ek dit raak: die wind wat nogal sterk waai.

IMG_2563

Toe begin ek die vuur oral raak te sien in die kleur van die herfsblare, selfs vuurtonge!

IMG_2761

IMG_2759

Gebed: Dankie Heer dat U ook met die alledaagse ons aan U geestelike waarhede herinner. Laat my asseblief U verlange, U grenslose liefde, wat so vúrig is, in elke herfskleur ervaar.  Ek begeer U, u vuurtong op my, ín my. Waai deur ons, Geeswind, sodat U vlam in ons vol passie sal brand en aansteeklik sal wees!

One Thought on “Die vurigste liefde ooit!

  1. Clara on May 13, 2016 at 6:14 am said:

    Pragtig! Sy liefde hou ons warm. xx

Leave a Reply

Your email address will not be published. Required fields are marked *

Post Navigation